Sot ka nisur për të tretën herë me radhë testimi i qarkores njëkahëshe brenda qendrës së qytetit të Prishtinës.
Testimi do të vazhdojë deri të dielën, por me të nisur ka shkaktuar kaos të madh në komunikacion.
Fakti që u bë në një ditë punë, jo si në vikend si radhët e tjera, ka bërë që kaosi në trafik të jetë edhe më i madh.
Referuar situatës në kryeqytet dhe reagimeve që kanë pasuar, kryetari i Prishtinës ka thënë se “sot ndoshta jam njeriu më i urryer në Prishtinë”.
Klan Kosova raporton se kryetari i Prishtinës, Përmarim Rama e ka bërë këtë deklaratë, ndërkohë që po merr pjesë në përmbylljen e festivalit Manifesta Biennal.
Komuna e Prishtinës dy ditë më parë, iu ka bërë thirrje qytetarëve që të kenë durim përgjatë kësaj periudhe provuese të ndryshimit të qarkullimit me automjete, meqenëse qëllimi kryesor i gjithë procesit është zgjidhja afatgjate e lirimit të hapësirave të lëvizjes për këmbësorë sipas rekomandimeve të task forcës rrugore, si dhe lirimi i mbingarkesës së trafikut rrugor.
Është gjetur edhe vetura e dytë, e cila ishte vjedhur në fsh...
Vitia: Modernizimi i hapësirave spitalore po vazhdon, janë k...
Ursula von der Leyen nesër në Prishtinë, pritet nga kryemini...
Kryesia e Kuvendit të hënën me mbledhje, në rend dite projek...
“Nxënësit po përgjumen”, mësuesja në Tiranë alarmon se po pë...
“Përfitoi 40 mijë euro”, Gjykata merr një vendim për personi...